| 都好有耐無打過xanga. 但係尋日既事應該要記一記 話晒都係二十幾年人生裡面 遇過最惡劣既外在環境 八月二日 連同unlun 同阿旺出去行山 行既係城門水塘 一點幾由葵興出發 開始時一路都好順利 但係城門水塘只係行左一半 我地就向左針山同草山既方向行 由於針山之前行過 所以我地揀左草山黎行 夜晚六點我地到左草山既山頂 係三角網測站坐左陣 打算落山食下野咁 眼見前面就係沙田中大既方向 心裡面以為好近 於是就以我地行山既一貫風格行左落去 雖然山上面滿怖野草 但係隠隠約約都見到有條山路 起初都係好順利 一路仲行得好快tim… 因為知道太陽就黎落山 行左一個鐘到 都差唔多行到落山谷到 眼前竟然仲有兩座山先去到市區 而且前面巳經長滿長草 於到夜晚七點鐘 我地決定回程 回左一陣 發覺巳經搵唔番之前條路 唯有硬行 愈行愈唔對路 D草長到成個人咁高 簡直迷失左方向 只見很遠處之前山頂既三角網測站 真係好遠好遠 我地不停同d 草戰鬥 有時比草纏住 更加動彈不得 最衰就係草有据齒,滕又有刺 真係舉步為艱 三個人夜間係草叢到行 十足 I I 咁 但係I I 都應該有開山刀 我地就得對手 盡量使出我地既掹草技術 係咁掹係咁爬 行到中一段 更加要爬過一個大約2點高既山仔 夜晚八點幾… 依然係草叢中同野草糾纏 幸好 個天都叫有番d星光 未至於完全黑晒 水又差唔多飲完 我地更加無帶野食 真係又肚餓又口渴 行到一條溪 阿旺仲係溪邊入左半樽水 以備不時之需 因為最壞情況就係出唔到草叢係座山過一晚夜 見到山頂離我地好遠 真係行到有d絶望 經過唔知幾多次轉方向同商討 終於行番條山路 三個仲即刻影番張合照 唔知點解係咁既情況 我地仲笑得咁開心 商討下落到山食乜野好 繼續行 晚上十點鐘 終於上到山頂既網測站 大家都座左係到休息一陣 商討又針山落山好還是拆返城門水塘菠蘿霸 最後都係決定經城門水塘走 但係又要即刻起程想快d行出座山 靠阿旺部電話影相功能既照明 我地行得好快落山 但係電用得好快 根本唔夠維持到我地出山 所以中段我地都用普通手提電話既光夜行 三個搭住搏頭咁行 途中都見到好多瑩火蟲 又見到馬騮d黑影係前面走黎走去 仲有差唔多半個鐘先去出到去 竟然見到有一team 人行緊入黎 但係佢地分明係裝備十足 行慣夜光既人 十一點半…. 正式行出山到左菠蘿霸小巴站 果一刻先叫完全脫進險境 再打的去葵芳地鐵站 可惜搵唔陣任飲既seven 結果係地鐵站飲品機到買野飲 係地鐵站既燈光下 大家才發覺d 手都損晒 手上更加滿怖比草介傷既花痕 唔知點解阿旺隻手花痕最勁 我隻手雖然無咁花 但係兩隻手掌都有兩三道較深既傷痕 估唔到我地掹草會介開晒手掌d肉 飲勝後 歸家 今次行程都差唔多十一個鐘 每個人都只帶一支水 得一同萬樂珠無其他野食 電筒又無 能夠走出依個草山 真係萬幸 |
| |
| 今日終於同HR manager 第一次交手 進行了一場罵戰 明知自己錯仲聲大大 佢愈躁時, 我都愈躁 對住佢依d 女人 唔應該比面, 更加唔應該留手 作為人事部乜q 都做唔到 反而想屈人 仲話有什麼punishment 我求之不得 大不了米一齊受 由於佢既聲浪實在太大 廢話我根本唔想聽 我最後決定放個電話係大臂到 等佢一輪咀講完 我先拿番起個電話~~~ 過完年我先同你死過!!! |
| |
| 每次係最低落既時候
HR d 人總係煩住晒
係現架咁既心境同情況
個天真係咁玩我
不是亦都是時候去解決
|
| |
| 公司傳言
一個我好尊敬既人物就黎唔做
歸於平淡
去教書
有點兒可惜
的確係公司既損失
|
| |
